Multi autem qui effugere poterant impediti sunt, quoniam omnes sagmae imperatoris et aliorum qui cum eo erant, sed et mercatores ac scuta vendentes imperatorem et hostem sequebantur et in angusto itinere fugientibus viam clauserunt. Fuerunt autem in ipsa congressione occisi Raganarius et Hieronimus comites et multi alii; capti autem in eodem campo et silva vicina fuerunt Ottulfus episcopus, Gauzlenus abba, Aledramnus et Adalardus, Bernardus et Everwinus comites et plures alii, omnes autem sagmas et ea quae mercatores portabant hostis Hludowici accepit. Et impletum est dictum propheticum, ubi ait: Qui praedaris, nonne et ipse praedaberis? Omnia quae praedatores qui erant cum imperatore habuerunt, sed et ipsi praeda fuerunt, adeo ut, qui amminiculo equorum effugere poterant, animas suas haberent pro spolio.
Translation :
-
Edition :
F. Grat – J. Vielliard – S. Clémencet, Annales de Saint-Bertin (Société de l'histoire de France, 470), Paris 1964.
Notes :
For the previous battle, please refer to: "Charles the Bald and his army attacks Louis III. the Younger and his army at Andernach." Some of the fleeing soldiers are also robbed and humiliated by Civilians, described in: "Civilians rob fleeing men of Charles the Bald, leaving them naked."
