Otto of Northeim and 3000 select soldiers burn and plunder the estates of King Henry IV. in Thuringia, afterwards distributing many of his spoils among his own peasants.
Tandem dux Otto perdoluit, et calamitatum pondere superata est constantia pacientiae. Itaque assumptis secum ad tria milia viris electis et omni militaris disciplinae studio exercitatis impetum in Thuringiam fecit, villas regalis fisci, rebus cunctis affluentissimas, incendit, predam multam abegit et milites suos, quorum plerosque ad societatem belli sola spes rapinarum allexerat, hac primum mercede inescavit fidosque ac firmos sibi effecit. Ita populabundus ultra Heschenewege pervenit. Ibi confluentibus ad se agrorum suorum cultoribus, quibus milites regis preter miseram vitam nihil reliquum fecerant, partem aliquam predae distribuit, verbera divinae animadversionis fortibus animis tolerare admonuit et pro se, quoniam arma ferre non possent, suppliciter ad Deum vota facere flagitavit.
Translation :
-
Edition :
Lampert von Hersfeld - Annalen, In: A. Schmidt, W. D. Fritz (FSGA 13), Darmstadt.
