Interea Thuringi, qui se ante aliquot annos sacramento obstrinxissent, ne latrones aut raptores inultos sinerent, rerum suarum direptionibus exacerbati ad arma conclamant, conglobatis propere ingentibus copiis hostes e vestigio insequuntur, inventisque haud procul ab Besehenewege certarnen inferunt IIII. Nonas Septembris. Nec diu anceps pugna fuit. Nam his qui cum duce Ottone erant impigre occursantibus vix, primam prelii procellam sustinentes in fugam vertuntur, et alii in proximos montes et silvas evadere, alii per iter quo venerant citatis equis reverti summo conamine nitebantur, haut satis auspicato temptatam fortunae aleam detestantes. Ipse denique, qui primo, ut res certamini committeretur, vehementissimus auctor incentorque fuerat, Ruotgerus comes, is nunc primus fugiendi auctor ac signifer apparebat omnique, ut vulgo dicitur, vento citacior montes et colles modernus ldithun transmittebat. Trecenti plus vel minus in ea congressione ex Thuringis corruerunt. Ex parte altera unus occisus, duo sunt vulnerati.
Translation :
-
Edition :
Lampert von Hersfeld - Annalen, In: A. Schmidt, W. D. Fritz (FSGA 13), Darmstadt.
