3255 Bohemians and many others of the army of King Henry IV. are killed or captured in battle at Flarchheim, while the army of King Rudolf only loses 2 nobles and 36 soldiers.
De Boemis autem, qui in suis multis milibus confidentes, eidem bello avidissimi se intulerant, utpote qui pro servitutis sue remuneratione hoc solum, ut pre omnibus primi Saxonibus congredi meruissent, percupierant, precipua strages ac ruina illic facta est. Quorum summam fore determinant tria milia CCLV, preter hos qui illic perplures ceciderant de Teutonicis, sive qui de utrisque capti sunt, ad plenum et ad certum non est comprehensum quot fuerint. De militia autem R. regis XXX et VIII, et hi omnes preter duos de minoribus, non de militaribus ensiferis, cecidisse referuntur. Quorum unus Meginfridus, comes quidam Parthenopolitanus, arma iam diu pro Deo deposita ob turpes quorundam prediorum questus apostata resumpserat, unde et Dei iusti iudicis ultore gladio illic confossus perierat.
Translation :
-
Edition :
I. S. Robinson: Bertholds und Bernolds Chroniken (FSGA 14), Darmstadt, 20-277.
