Sed antequam exercitus in unum colligeretur ad condictum locum iuxta castrum Treiectensem, Nortmanni superiora tenentes circa Leodium Mosam transierunt et hostilem expeditionem a tergo relinquentes in silvis et paludibus Aquis palatio contiguis disperguntur; obvios quosque perimunt, plurima plaustra et vehicula, in quibus alimenta exercitui deferebantur, capiunt. Quae fama cum ad exercitum pervenisset, qui iam ipso die nativitatis sancti Iohannis baptistae pene in unum convenerat, non tam tremor quam stupor mentes omnium occupavit.
Translation :
-
Edition :
Reginonis abbatis Prumiensis - Chronica, In: R. Rau, Quellen zur karolingischen Reichsgeschichte 3 (FSGA 7), Darmstadt, 180-318.
