Duke Waleran III. challenges the army of King Henry V. to cross the Maas at Visé and fight with equal forces, but retreats when more and more of the latter engage.
Iamque multus equitatus faciem regis longe praecedens ad pontem fluvii qui vocatur Masa venerat, et alterius ripae crepidinem filius praedicti ducis cum paucis occuparat, nam turbam armatorum non longe per oportuna loca in insidiis locaverat. Qui ut pugnam provocaret, nunc equum in rectan cursus lineam inmisit, nunc in orbes flexit et reflexit et, si pares numero confligere secum auderent, inquisivit. Nec mora transierunt ad eos totidem ex parte regis, mixtique inter se vario reflexu nunc pugnam inferebant, nunc fugam agitabant. Interim unus et alter transito ponte sociorum numerum latenter auxit et rupto certaminis pacto ex aequali inaequalem fecit. Quod videns filius ducis terga cum suis vertit, non tam ut fugeret, quam ut fatieret, nec tam ut fugiens periculum vitaret, quam ut sequentes in periculum deduceret.
Translation :
-
Edition :
Vita Heinrici IV imperatoris, In: F. Schmale, I. Schmale-Ott, Quellen zur Geschichte Kaiser Heinrichs IV. (FSGA 12), 5th Ed. Darmstadt 2017, 408-467.
Remark :
date: This battle occurs during Good Friday according to the Vita.
