At tibi dissimiles referent per tempora laudes
Hi quibus Arcipolis fuerat commissa, trecenti,
Quos merito longum virtus et fama per aevum
Insignes faciunt, si quicquam carmina possunt
Milia Saxones ex se bis dena legentes,
Arcipolim circumveniunt, sua castraque ponunt,
Arcern quo capiant armisve dolisve, retractant.
Nunc castellanis fontes et pabula temptant
Claudere, nunc dictis illos mulcere dolosis,
Hic quoque confisi convincere viribus auri.
Verum nunc talis labor est absumptus inanis,
Nam via nulla dolis, nec prosperitas patet armis;
Translation :
-
Edition :
Carmen de bello Saxonico, In: F. Schmale, I. Schmale-Ott, Quellen zur Geschichte Kaiser Heinrichs IV. (FSGA 12), 5th Ed. Darmstadt 2017, 144-189.
