Vix extra villam pars agminis ultima venit,
Cunctaque per latos procedunt milia campos,
En castellani centum de valle latenti
Procurrunt equites mediosque feruntur in hostes.
Ut segetes grando maturas proterit olim,
Dispergunt, caedunt adversos confodiuntque,
Colla metunt gladiis, madet undique terra cruore,
Strataque tam latos texere cadavera campos.
Saxonum reliqui, tam multa strage suorum
Visa, scuta retro iacientes, terga dedere
Atque caballorum fodiunt calcaribus armos.
Pars ad vicinam tendebat currere silvam,
Pars fugit ad villam, memor uxorisque domusque;
Victores instant, fugientes atque trucidant.
Translation :
-
Edition :
Carmen de bello Saxonico, In: F. Schmale, I. Schmale-Ott, Quellen zur Geschichte Kaiser Heinrichs IV. (FSGA 12), 5th Ed. Darmstadt 2017, 144-189.
