Utraque iam resident adversis agmina castris,
Hinc maior numerus, hinc bello clara iuventus.
Hostibus ut noceant, vigiles speculantur utrique,
Nec ponunt fessi nocturnae membra quieti.
Nostri maiores bello numeroque minores
Saxonum turbam multo certamine temptant:
Nunc arcus celeres, nunc contorsere balistas,
Hostibus adversis transfigunt pectora telis,
Nunc illis igni corrumpunt moenia castri,
Ediles ipsos perimebant aut capiebant;
Translation :
-
Edition :
Carmen de bello Saxonico, In: F. Schmale, I. Schmale-Ott, Quellen zur Geschichte Kaiser Heinrichs IV. (FSGA 12), 5th Ed. Darmstadt 2017, 144-189.
