Duke Anscar of Spoleto and his men attack the reinforcements sent against them by Spalio and kill many of them, including their leader Count Hatto, whose head is pierced with a broken lance thrown by Anscar.
Collectis itaque Anscarius quos potuit, duabus phalangis occurrens eas inter furibundus insiliit stragemque innumeram dedit. Comes quidam Hatto nomine duabus illis praeerat aciebus, qui hac Anscario occurrit fidutia, quoniam confracta iam lancea solam in manu eius viderat hastam. Quem dum intuitus esset Anscarius: 'Tune es', infit, 'qui contempto crucis et sanctarum iuramento periurus in nomine Dei tui me tuum dominum deseruisti et ad vulpem Sarlium transfuga ac desertor abisti? Esse aliquos manes et subterranea regna, in quibus periuri puniantur, Cocitum etiam et Stigio ranas in gurgite nigras, qui usque modo somniasti, re ipsa quam mox experire'! Haec dicens hastam, quam sine ferro gestabat, per os illius valide iaciens sanguine cerebroque respersam per occipitium eduxit enseque abstracto,
Translation :
-
Edition :
Liudprandi Liber Antapodoseos, In: A. Bauer; R. Rau, Quellen zur Geschichte der sächsischen Kaiserzeit (FSGA 8), 5th Ed. Darmstadt 2002, 244-495.
